Ev sahibi yanğın zamanı həlak olub

11 May 2013 10:15 (UTC+04:00)

Ev sahibi yanğın zamanı həlak olub. Mövqe.az Fövqəladə Hallar Nazirliyinin rəsmi saytına istinadən xəbər verir ki, Bakı şəhəri, Sabunçu rayonunda vətəndaşa məxsus ümumi sahəsi 160 kv.m olan dörotaqlı evin 1 otağının yanar konstruksiyaları, ev əşyaları 20 kv.m sahədə və hamamın lambirdən ibarət tavanı 9 kv.m sahədə yanıb.

Yanğının kəşfiyyatı zamanı hamamdan ev sahibi H.N.Əfəndiyevin meyiti aşkar olunub.

Evin qalan hissəsi yanğından mühafizə olunub.

Yanğın saat 18:25-də yanğınsöndürənlər tərəfindən söndürülüb.

Bununla yanaşı, Yasamal rayonunda 6 mərtəbəli yaşayış binasının 3 cü mərtəbəsində yaşayan vətəndaşa məxsus ümumi sahəsi 32 kv.m olan ikiotaqlı mənzilin 1 otağında 2 ədəd döşək yanıb.

Mənzil yanğından mühafizə olunub.

Yanğın saat 19:17-də yanğınsöndürənlər tərəfindən söndürülüb.