Mayın 5-də dövlət qulluğuna qəbul üzrə test imtahanından müvəffəqiyyətlə keçən namizədlərə sertifikatların verilməsinə başlanılıb.
Dövlət İmtahan Mərkəzindən Movqe.az-a bildirilib ki, dövlət qulluğunun A növünə (inzibati rəhbər) aid vəzifələrin tutulması məqsədilə mayın 5-də keçirilən test imtahanında uğur qazanmış və sertifikat almaq hüququ əldə etmiş namizədlər sertifikatlarını şəxsiyyəti təsdiqləyən sənədi təqdim etməklə Mərkəzin Koroğlu Rəhimov küçəsi, 108 ünvanında yerləşən inzibati binasından əldə edə bilərlər.