Bakıda baş vermiş avtomobil qəzalarının yeni görüntüsü yayılıb.
Milli.Az avtosfer.az-a istinadən xəbər verir ki, videoda əksini tapan ilk qəza M.Ə.Rəsulzadə qəsəbəsində baş verib.
Binəqədi rayonunda, "Vorovski dairəsi" kimi tanınan ərazidə dairəyə girən "Lada Priora" markalı avtomobilin sürücüsü işıqforun yaşıl işığı yandığı halda sağdan gələn nəqliyyat vasitəsini buraxmır. Bu zaman öz yolu ilə gələn avtomobil ona çırpılır.
İkinci video isə hər zaman qəzaların baş verdiyi nöqtədir. Koroğlu Rəhimov küçəsi ilə Həsən Əliyev küçəsinin kəsişməsində iki avtomobil toqquşur. Koroğlu Rəhimov istiqamətindən gələn avtomobil əks tərəfdən gələn avtomobili buraxmır və Həsən Əliyev küçəsinə dönmək istəyir. Bu zaman qəza baş verir.
Hər iki halda sürücülər yolayrıcını keçmə qaydasını pozur.