Yük maşını “BakuBus”a çırpıldı - Yaralılar var

8 İyul 2019 02:33 (UTC+04:00)

Gecə saatlarında Hövsan yolunda yol-nəqliyyat hadisəsi baş verib. Movqe.az "Qafqazinfo"ya istinadən xəbər verir ki, "Ford" markalı yük avtomobili idarəetməni itirməsi nəticəsində 175 nömrəli müntəzəm marşrut xətti ilə hərəkət edən "BakuBus" MMC-yə məxsus sərnişin avtobusuna çırpılıb. Bakı Nəqliyyat Agentliyindən verilən məlumata görə, qəza nəticəsində yük avtomobilinin sürücüsü və sərnişini xəsarət alıb. Avtobusda olan sərnişinlərdən heç biri xəsarət almayıb.