Bakıda zəncirvari qəza, yaralılar var
20 May 2013 11:27 (UTC+04:00)
Bu gün saat 09:30 radələrində Bakının Səbail rayonu ərazisində
zəncirvari yol qəzası baş verib. Rayon Polis İdarəsindən verilən
məlumata görə, qəza Bibiheybət prospektində olub. Hadisə yerinə
polis əməkdaşları yollanıb.
Hadisə şahidlərinin verdiyi məlumata görə, qəzada "Hyundai",
"Mitsubishi-Pajero", "Toyota-Prado" markalı avtomobillərin də
iştirakı ilə 6 maşın toqquşub. Qəzanın baş verməsinə "Hyundai"
markalı avtomobilin sürət həddini aşaraq qarşıdakı
"Mitsubishi-Pajero"ya çırpılması səbəb olub. Sonradan digər
avtomobillər də onlara çırpılıb. Qəzada "Hyundai" və
"Mitsubishi-Pajero" markalı avtomobillərin sürücüləri yüngül
xəsarət alsalar da, avtomobillərə ciddi ziyan dəyib.
Qəzanın başvermə səbəbləri dəqiqləşdirilir.