Avropa Kubokunda Azərbaycan finalı

28 İyul 2019 16:30 (UTC+04:00)

Almaniyanın paytaxtı Berlin şəhərində gənc cüdoçular arasında Avropa Açıq Kuboku uğrunda yarış keçirilir.

Goal.az xəbər verir ki, beynəlxalq turnirdə Azərbaycan cüdoçuları ilə yanaşı, Yaponiya, Braziliya, Monqolustan, Rusiya, İtaliya, Almaniya, Fransa, Hollandiya, Kanada, Belçika, Gürcüstan, İsrail, Macarıstan və digər ölkələrin ən güclü gənc cüdoçuları mübarizə aparırlar.

Ümumilikdə Berlin yarışında 39 ölkədən 470 cüdoqi ustası iştirak edir. Avropa kubokunun ilk günü Azərbaycan cüdoçuları üçün uğurlu olub. 60 kq çəki dərəcəsində ölkəmizi təmsil edən Rövşən Əliyev və Əhməd Yusifov bütün rəqiblərinə qalib gələrək finala çıxıblar. Həlledici qarşılaşmada qələbə qazanan Əhməd Yusifov Berlin-2019-un qalibi olub. Rövşən Əliyev isə gümüş medala layiq görülüb.