ABŞ-da təcili yardım “SMS” xidməti fəaliyyətə başlayacaq

7 May 2012 11:41 (UTC+04:00)

"Verizon" operatoru 2013-cü ilin əvvəlindən etibarən mobil rabitə abunəçiləri üçün "Text-to-911" xidmətini istifadəyə verəcək.

Bu xidmət abunəçilərə qısa mətn mesajı vasitəsi ilə təcili yardım xidməti ilə əlaqə saxlamağa imkan verəcək.

Movqe.az "compulenta.ru" saytına istinadən xəbər verir ki, ABŞ-ın Rabitə üzrə Federal Komissiyası (FCC) hələ 2010-cu ildən təcili yardım "SMS" xidmətinin tətbiq edilməsinin vacibliyi haqqında bildirmişdi. "Text-to-911" xidməti, mobil rabitə siqnalının ötürücülük qabiliyyətinin zəif olması və ya mobil qurğunun akkumulyator batareyasının enerjisinin aşağı olması zamanı faydalı ola bilər.

Bundan əlavə, xidmətdən eşitmə problemi olan insanlar da istifadə edə bilərlər. Məlumat üçün bildirim ki, "EmergencySMS" adlı oxşar xidmət artıq Böyük Britaniyada istifadə edilir.