Azərbaycan istehlakçıların böyük əksəriyyəti hüquqlarını bilmirlər
3 Aprel 2012 19:33 (UTC+04:00)
Hazırda istehlakçıların maariflənməsi və onların hüquqları ilə
tanış olmaları məsələsi ən aktual problemdir. Bu barədə "Kommunal
sektorda istehlakçıların hüquqlarının qorunmasına yardım
göstərilməsi" layihəsinin həyata keçirilməsinə həsr olunan "dəyirmi
masada" "Konstitusiya" Araşdırmaları Fondunun eksperti Ələkbər
Ağasıyev bəyan edib.
Ə.Ağasıyev deyib: "Layihənin həyata keçirilməsi onu göstərdi ki, bu
istiqamətdə fəaliyyətin daha da genişləndirilməsinə ehtiyac var.
"Qaynar xətt" xidmətinə müraciətlərin 40 %-dən çoxu sayğacların
quraşdırılmasının pulsuz olub-olmaması, abunəçi kodunun alınması
qaydası, ödənişin necə və hansı qaydada həyata keçirilməsi haqqında
olub. Bu öz növbəsində, bir daha göstərir ki, istehlakçıların böyük
əksəriyyəti öz hüquqlarını bilmirlər". Ələkbər Ağasıyev
"Bakıelektrikşəbəkə"nin işini qənaətbəxş qiymətləndirib. Ekspertin
fikrincə, kommunal xidmətlərin bir sıra problemlərinin həlli üçün
müəyyən tədbirlər görülməlidir.