Bu gün Bakıda İslam Əməkdaşlıq Təşkilatına (İƏT) üzv dövlətlərin xarici işlər nazirlərinin Müqəddəs Qüds şəhərinə dəstək məqsədilə, Qüds şəhərinin inkişaf etdirilməsi üçün Strateji Sektor Planının maliyyələşdirilməsi ilə bağlı Donor və Fələstin Dövlətinə yardım məqsədilə, İslam Maliyyə Təhlükəsizlik Şəbəkəsinin təsis Konfransları keçiriləcək.
Xarici İşlər Nazirliyindən Mövqe.az-a verilən məlumata görə, konfranslarda bir sıra beynəlxalq təşkilatların nümayəndələri, o cümlədən İƏT, İSESCO, Körfəz Əməkdaşlıq Şurası, İnkişaf naminə İslam Həmrəyliyi Fondu, İslam İnkişaf Bankının təmsilçiləri iştirak edəcək. Həmçinin tədbirdə İƏT-ə üzv dövlətlərin təmsilçiləri: xarici işlər nazirləri, Xarici İşlər Nazirliklərinin rəsmiləri, Bakıdakı diplomatik nümayəndəliklərinin başçıları və əməkdaşları da iştirak edəcək.