Hüseynbala Mirələmovun lider namizəd olduğu seçki dairəsinin nəticələri ləğv edildi

13 Fevral 2020 17:31 (UTC+04:00)

33 saylı Xətai birinci seçki dairəsi üzrə parlament seçkilərinin nəticələri ləğv edilib.

Mövqe.az-ın məlumatına görə, həmin dairə üzrə deputatlığa namizəd Fuad Abbasov Mərkəzi Seçki Komissiyasına müraciət edrək qanun pozuntularının baş verdiyi üçün həmin dairə üzrə seçkilərin nəticlərinin ləğv edilməsini xahiş edib. İclasda bildirilib ki, araşdırmalar nəticəsində həmin dairədə seçkilərin nəticələrinə təsir edəcək pozuntular baş verib və bu pozuntular seçkilərin nəticələrini ləğv etməyə hüquqi əsaslar yaradıb. İclasda həmin dairə üzrə seçkilərin nəticələrinin ləğv edilməsi təklif edilib. Təklif səsə qoyularaq qəbul olub. Qeyd edək ki, həmin dairə üzrə lider namizəd Hüseynbala Mirələmovdur.