2007-ci il mayın 17-də – Ümumdünya Telekommunikasiya və İnformasiya Cəmiyyəti günündə fəaliyyətə başlamış www.ikt.az saytının əsas məqsədi Azərbaycanda İKT istiqamətləri üzrə aparılan elmi, elmi-texnoloji araşdırmaların nəticələrinin paylanması, institutda və bütövlükdə respublikada bu sahədə baş verən yeniliklərin dünya ictimaiyyətinə çatdırılmasıdır.
Hazırda saytın müasir veb-standartlara uyğun yeni versiyasının hazırlanması istiqamətində tədbirlər həyata keçirilir. Mövqe.az-ın məlumatına görə, bu barədə məlumat verən institutun sektor müdiri Sevinc Həsənova bildirib ki, layihə çərçivəsində saytın maddi-texniki bazasının gücləndirilməsi, idarə edilməsi və təbliği, həmçinin mobil versiyalarının hazırlanması ilə bağlı işlərin görülməsi nəzərdə tutulur.