Bakı İdman Sarayında “Partners and Business” sərgisi keçirilir.
Mövqe.az-ın məlumatına görə, bu gün və sabah davam edəcək tədbir Kiçik və Orta Biznesin İnkişafı Agentliyi, Sahibkarlar (İşəgötürənlər) Təşkilatları Milli Konfederasiyası, “Kapital Bank” və “Marsol” MMC-nin birgə təşkilatçılığı ilə keçirilir.
Sərgidə sənaye, kənd təsərrüfatı, ərzaq, İKT, təhsil, tikinti, logistika və digər sahələrdə fəaliyyət göstərən 150-yə yaxın yerli şirkətin məhsul və xidmətləri təqdim olunub.
Sərgi Azərbaycan şirkətlərinin daha geniş təqdimatına, onların bazara çıxış imkanlarının genişlənməsinə, yerli şirkətlər arasında tərəfdaşlığın inkişafına, yeni əlaqələrin və əməkdaşlıqların qurulmasına yönəlib.