BNA: “Gənclik” stansiyasının vestibülü ödəmə terminallarından istifadə üçün açıq olacaq

11 Avqust 2020 11:01 (UTC+04:00)
Bu gündən metronun "Gənclik" stansiyasının vestibülü səhər pik saatlarında da ödəmə terminallarından istifadə üçün açıq olacaq. Bakı Nəqliyyat Agentliyindən verilən məlumata görə, sərnişinlər saat 06:30-dan saat 12:00-dək "Gənclik" stansiyanın vestibülündəki ödəmə terminallarından istifadə edə biləcək. Sərnişinlərdən vestibüllərdə maskadan istifadə etmələrini və sosial məsafəni gözləmələri xahiş edilir: "Tövsiyə edirik ki, "BakıKart"-ın balansını artırmaqla bağlı işlərini planlı qursunlar. Əvvəlcədən tədbirli davranış lüzumsz vaxt itkisinə məruz qalmamaq, eləcə də pandemiya dövründə yolxuma riskini minimuma endirmək baxımından əhəmiyyətlidir".