Müharibədən qaçmağın bir yolu var idi - Paşinyan

10 Noyabr 2020 12:45 (UTC+04:00)

Sentyabrın 27-də atəşkəsin imzalanması ətraf yeddi rayonun Azərbaycana verilməsini nəzərdə tuturdu və biz buna gedə bilməzdik. Bunu Ermənistanın baş naziri Nikol Paşinyan "Facebook" səhifəsində canlı yayım zamanı deyib. O bildirib ki, müharibədən qaçmağın bir yolu var idi: "Bu yol Qarabağın statusu müəyyən olunmadan beş rayonun verilməsi idi. Bu irs bizə əvvəlki hökumətdən qalmışdı. 1994-95-ci illərdən başlayaraq, yalnız bir şey aydın idi: yeddi rayonu Azərbaycana vermək lazım idi. Danışıqlarda tək dəqiq tezis bu idi".