Müharibə uşaqlarına kitab həsr edildi

14 Noyabr 2020 11:51 (UTC+04:00)

Prezident təqaüdçüsü, Azərbaycan Yazıçılar Birliyinin Gənclər Şurasının üzvü Fuad Cəfərlinin "33 şeir" adlı yeni kitabı işıq üzü görüb.

Kult.az xəbər verir ki, kitabda müəllifin son illərdə qələmə aldığı poetik nümunələr toplanıb.

Uşaqlığı müharibə dövrünə düşənlərə həsr olunan şeirlər kitabı 72 səhifədir. "33 şeir" "Biz klub" lahiyəsinin dəstəyi ilə işıq üzü görüb.

Kitabda müharibələrin uşaq yaddaşında sarsılmaz izlər buraxdığı mürəkkəb poetik lövhələrdə öz əksini tapıb.

Kitabın redaktoru Tural Turan, məsləhətçisi isə Emil Rasimoğludur.

Qeyd edək ki, "33 şeir" müəllifin ikinci şeirlər kitabıdır. Fuad Cəfərli ümumilikdə üç bədii kitabın müəllifidir.