İngiltərənin 2-ci liqasında çıxış edən Uels klubu "Nyuport Kaunti"nin qapıçısı Tom Kinq yeni rekord müəyyənləşdirib.
Sport7.az xəbər verir ki, 26 yaşlı qolkiper "Çeltnem Taun"la matçda (1:1) fərqlənərək, ən uzaq məsafədən vurulan qolun müəllifi kimi "Ginnesin Rekordlar Kitabına düşüb. 96,01 metr məsafədən topu rəqib qapısından keçirən ingilis "Qarabağ"ın sabiq üzvü, hazırda "Bornmut"da oynayan Asmir Beqoviçin göstəricisini (91,9) yaxşılaşdırıb.
Beqoviç 2019/2020 mövsümünün ilk yarısını icarə əsasında "Qarabağ"da keçirib.