Barcelona ciddi itki ilə üzləşib.
Goal.az xəbər verir ki, Kataloniya təmsilçisinin müdafiəçisi Ronald Arauxo sıradan çıxıb.
Bu barədə klubun mətbuat xidməti məlumat yayıb. 21 yaşlı futbolçu La Liqanın 22-ci turu çərçivəsində Real Betis-ə qarşı keçirilən səfər matçının (3:2) 10-cu dəqiqəsində zədələnərək meydanı tərk edib.
Arauxonun son durumu tibbi müayinədən sonra bilinəcək. Futbolçunun bir neçə həftə yaşıl meydanlardan uzaq qalacağı gözlənilir.
Uruqvaylı müdafiəçi bu mövsüm La Liqada 12 oyuna çıxıb.