Paraqvay Prezidenti Mario Abdo Benitez ölkədə başlayan etiraz aksiyaları ilə əlaqədar hökumətdə dəyişikliklər etmək üçün bütün nazirlərdən istefa vermələrini istəyib.
Trend-in "TASS"a istinadən verdiyi məlumata görə, bunu Paraqvayın informasiya və rabitə naziri Manuel Brunetti deyib.
Nazir bildirib: "Prezident vətəndaşları eşitdi. Kabinetindəki bütün nazirlərdən istefa ərizələrini ona təqdim etmələrini istədi. Prezident dəyişiklikləri elan edəcək".
M.Brunetti qeyd edib ki, dövlət başçısı yeni təyinatları günün sonuna qədər açıqlayacaq.