Müqəddəs Ramazan bayramı ilə əlaqədar mayın 13-də "Təzəpir" məscidində bayram namazı qılınıb.
Movqe.az AZƏRTAC-a istinadla xəbər verir ki, bayram namazı Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadənin rəhbərliyi ilə qılınıb.
Xatırladaq ki, QMİ Qazılar Şurasının fətvasına əsasən Ramazan ayı bu il Azərbaycanda miladi təqvimlə aprelin 14-də başlayıb. Eydül-Fitr (Fitr bayramı) isə miladi təqvimlə mayın 13-nə təsadüf edir.
Qeyd edək ki, bayram namazı "Əjdərbəy" məscidində saat 08:00-da, Şuşa şəhərinin Yuxarı Gövhərağa məscidində saat 09:00-da təşkil edilib.