Makedoniyanı "Eurovision 2012" Mahnı
Müsabiqəsində təmsilçisi Kaliopi "Bakı Kristal Zalı"nda ikinci
məşqini və mətbuat konfransını keçirib. Lent.az-ın məlumatına görə,
məşqdən sonra mətbuatın suallarını cavablandıran Kaliopi
jurnalistləri Azərbaycan dilində salamlayaraq, "Sarı gəlin" xalq
mahnısını canlı ifa edib: "İlk dəfə bu mahnını eşidəndə vuruldum.
Mahnını çox bəyənirəm".
Kaliopini yerli və xarici jurnalistlər ayaq
üstə alqışlayıblar.
Təmsilçi bildirib ki, o, hazırda Azərbaycan
dilini öyrənməklə məşğuldur.
Qeyd edək ki, Kaliopi ölkəsini 1996-cı ildə də "Eurovision" Mahnı
Müsabiqəsində təmsil edib. Həmin il o, müsabiqədə "Samo Ti"
mahnısını ifa edib.
Xatırladaq ki, ötən gün Latviya təmsilçisi Anmari də "Bakı Kristal
Zalı"nda məşqlərindən sonra "Sarı gəlini"i ifa etmişdi