Uşaq müəssisələrində nöqsanlar aşkarlanıb-Eksklüziv
3 Oktyabr 2013 18:48 (UTC+04:00)
Ailə, Qadın və Uşaq Problemləri üzrə Dövlət
Komitəsi 4 yaşdan 6 yaşadək uşaqların tərbiyyə olunduğu uşaq
müəssisələrində monitorinq aparıb.
Komitənin Analitik Araşdırmalar və
İnformasiya şöbəsinin müdiri Elgün
Səfərovun Movqe.az-a verdiyi məlumata görə, örtən gün monitorinq Sabunçu
rayonundakı uşaq müəssisələrində keçirilib: "Monitorinq zamanı uşaq
müəssisələrində xidmətin səviyyəsi yoxlanılıb, uşaqların
təhlükəsizliyi ilə bağlı məsələlərə diqqət yetirilib. Bir uşaq
müəssisəsinin 3-cü mərtəbəsində pəncərədə dəmir barmaqcıqların
olmaması irad tutulub. Bu məsələ uşaqların təhlükəsizliyi
baxımından vacib məsələdir".
E. Səfərov monitorinqlərin davam etdiyini
söyləyib. Onun sözlərinə görə, ilin sonunadək 6 uşaq müəssisəsində
monitorinqlər keçiriləcək.