Ukrayna rəhbəri Azərbaycan prezidentini təbrik edib

10 Oktyabr 2013 09:56 (UTC+04:00)

Ukrayna prezidenti Viktor Yanukoviç oktyabrın 9-da Azərbaycan prezidenti İlham Əliyevə zəng edib.


Movqe.az-ın məlumatına görə, V. Yanukoviç dövlətimizin başçısını prezident seçkilərində inamlı qələbə münasibətilə təbrik edib, Azərbaycan xalqının firavanlığı naminə ona ali dövləti fəaliyyətində uğurlar arzulayıb.

Prezident İ. Əliyev göstərilən diqqətə və təbrikə görə Ukrayna prezidentinə minnətdarlığını bildirib.

Prezidentlər ölkələr arasında mövcud olan dostluq münasibətlərinin uğurla inkişaf etdiyini vurğulayaraq əlaqələrin bundan sonra da inkişaf etdiriləcəyinə əmin olduqlarını qeyd ediblər.