Aysel Əlizadə vəd etdiyi yeni klipinin
təqdimat ərəfəsindədir. Türkiyədə ekran həyatı görən sənətçinin
"Səndən başqa" adlı mahnısının rejissoru Teoman Topçudur. Bundan
öncəki "Ulduzlar" klipini həmin rejissora həvalə edən Aysel Əlizadə
onun işindən məmnun qalıb, yenidən həmin rejissoru seçdi. Bu dəfəki
çəkiliş prosesinin daha ağır keçdiyini Movqe.az-a deyən müğənni
Aysel Əlizadə nəticədə daha maraqlı kliplə ekranlara çıxacağını
bildirdi:
"Səndən başqa" ayrılıqdan bəhs edir. Mahnının sözləri və klipin sujetində düşündürən məqamlar çoxdur. Heç kimə ayrılıq arzu etmirəm, lakin hər bir insanın həyatında belə məqamlar qaçılmazdır. Təsadüfdən, öncəki "Ulduzlar"da, həmçinin "Səndən başqa" mahnısında da ayrılığı yansıtan cümlələr əks olunur" – deyən sənətçi çəkilişlərin daha çox meşədə aparıldığını dedi. Klipi maraqlı edən məqamlardan biri atın olmasıdır.
Çəkiliş prosesində Teomanla fikirlərinin üst-üstə düşdüyünü deyən Aysel uğurlu kadrlar əldə edildiyini bildirdi. Xatırladaq ki, mahnının sözləri Leyliyə, musiqisi isə İlkin Həsəniyə məxsusdur. Klipə yaxın günlərdə təqdimat keçiriləcək.
https://www.youtube.com/watch?feature=player_embedded&v=LZuVPoHmn0M
