İranda həbsdə olan 3 Azərbaycan vətəndaşı Bakıya qaytarılır

15 Oktyabr 2013 19:30 (UTC+04:00)

İran bu ölkədə həbsdə olan 3 Azərbaycan vətəndaşını Bakıya qaytarır.


 Bu barədə APA-ya Azərbaycan Xarici İşlər Nazirliyinin mətbuat xidmətinin rəhbəri Elman Abdullayev məlumat verib.

 

Onun sözlərinə görə, İran tərəfi ilə aparılmış danışıqların nəticəsi olaraq bu ölkədə həbsdə olan Kamal Qədirov, Eyvaz Məmmədov və Zamin Həsənov adlı şəxslərin Azərbaycana qaytarılması barədə qərar qəbul edilib. Qərarla bağlı Azərbaycanın Tehrandakı səfirliyinə məlumat verilib. Yaxın günlərdə həmin şəxslər vətənə göndəriləcək.

 

"Azərbaycan dövləti həmişə olduğu kimi, bundan sonra da Azərbaycan vətəndaşlarının maraqlarını müdafiə etməkdə davam edəcək. Bizim də başlıca vəzifəmiz dövlətimiz tərəfindən qarşımıza qoyulan hədəfləri yerinə yetirməkdir", - deyə E. Abdullayev vurğulayıb.