Orxan Zeynalov Yeqor Şerbakovu öldürdüyünü etiraf etdi
16 Oktyabr 2013 11:20 (UTC+04:00)
Rusiyanın paytaxtı Moskva şəhərində 24 yaşlı Yeqor Şerbakovun
qətlində şübhəli bilinərək həbs olunan azərbaycanlı Orxan Zeynalov
günahını etiraf edib. Movqe.az-ın Rusiya mediasına istinadən
verdiyi xəbərə görə, Rusiya daxili işlər naziri Vladimir
Kolokolsevin bilavasitə iştirakı ilə keçirilən qeyri-rəsmi
istintaqda ilk ifadəsini verib. Son məlumata görə, O.Zeynalov
DİN-nin təcridxanasında, 1 saylı xüsusi kamerada saxlanılır. Sabah
onun məhkəmə qarşısına çıxarılması gözlənilir və müstəntiqlər onun
ağır cəzaya məhkum olunmasını tələb edəcəklər. Bir neçə saat bundan
əvvəl isə nazirliyin baş idarəsində nazir Kolokolsevin rəhbərliyi
ilə təcili müşavirə keçirilib. müşavirənin təfərrüatları ilə bağlı
heç bir məlumat verilmir.