Azəri qızı Günelin qardaşı yaman qəzəbləndi
17 Oktyabr 2013 16:44 (UTC+04:00)
Tanınmış müğənni Tunar Rəhmanoğlu Facebook sosial şəbəkəsindən
şikayətçidir. Movqe.az-a danışan Tunar sosial şəbəkədən olan
narazılığını belə izah edib: "İlk əvvəl onu deyim ki, mən hansısa
sosial şəbəkədə özümə profil açmamışam. Bir müddət əvvəl bacım
Günel (müğənni Azəri qızı Günel) israr etdi ki, görüntü naminə
Facebookda səhifə açsın. Etiraz etməmişdim, ancaq şifrəni unutduğum
üçün oradan istifadə etmirdim. Real həyatda dostluq etdiyim bir
neçə tanışım ötən həftə mənə zəng edib irad bildirəndə ki,
səhifəmdə xoşagəlməz paylaşımlar edirəm, əvvəl anlamadım. Sonra
məsələnin ciddiliyinin fərqinə vardım. Araşdırıb öyrəndim ki, kimsə
səhifəmin şifrəsini sındıraraq, profilimdən öz maraqları üçün
istifadə edir. Kimliyini bilmdəiyim mərdimazar adam səhifəmdə
düşüncəmə yad olan fikirlərlə dolu statuslar yazıb, dostluğumda
olan insanlara mesjlar göndərir. Hər kəsə bildirmək istəyirəm ki,
Facebookda yer alan Tunar Rəhmanoğlu adlı səhifə ilə mənim heç bir
əlaqəm yoxdur. Kimsə mənim adımdan "feyk" olaraq istifadə edir".
Xoşagəlməz haldan dolayı narahat olan müğənni onu adında istifadə
edən kimliyini bilmədiyi şəxsə səslənərək səhifəsini bağlamağı rica
edir. Müğənni əks halda hüquq-mühafizə orqanlarına müraciət
edəcəyini bildirib.