"O məni aldadır" - Manana
21 Oktyabr 2013 21:54 (UTC+04:00)
Əməkdar artist Manana rejissor Makodan (Samir
Fərzəlibəyov) şikayət edib.
Sənətçi Axşam.az saytına açıqlamasında
klipmeykerin onun üçün çəkdiyi ekran işlərini hələ də təhvil
vermədiyini deyib:
Mayda "Sev" adlı mahnıma Makoya iki klip
çəkdirdim. O isə hər gün məni aldadır. Samir yaxın dostumdur, amma
işi gecikdirmək olmaz. Burada çox insanın əməyi var. Həmin mahnını
iki dildə səsləndirmişəm: Azərbaycan və gürcü. Klip də iki ölkədə
yayımlanmalıdır. Gürcüstan telekanalları dəfələrlə zəng edib, ekran
işini istəyiblər. Bir insanla sərt danışmağı bacarmıram. Hər dəfə
əsəbiləşəndə özümə təsəlli verirəm ki, Manana sakitləş, lazım
deyil, insanlıq olmalıdır. Hər gün məni aldadır ki, bu gün, sabah
klipi gətirəcəm. Bir bacı kimi ondan xahiş edirəm, klipimi ver
(gülür)".
Manana "Payız" adlı yeni mahnısına da klip
çəkdirmək istədiyini deyib. Sözləri İkram Əliyevə, musiqisi Givi
Usanaşviliyə aid olan ekran işi Bakıda lentə alınacaq.