Məktəbəqədər
təhsil müəssisələrinin tərbiyyəçiləri üçün yeni məktəbəqədər
təhsil kurikulumu üzrə təlimlərin keçirilməsi üçün məsləhətçi
xidmətlərinin satınalınmasına dair keçirilmiş tenderin nəticələri
bu gün açıqlanıb. Satınalmalar üzrə Dövlət Agentliyindən eksklüziv
olaraq Movqe.az-a verilən xəbərə görə, Təhsil Nazirliyinin Təhsil
Sektorunun İnkişafı üzrə İkinci Layihəsində Abşeron iqtisadi
rayonunda məkəbəqədər təhsil müəssisələrinin tərbiyəçiləri üçün
yeni məktəbəqədər təhsil kurikulumu üzrə təlimin keçirilməsində
Azərbaycan universiteti MMC –nin qiymətləndirilmiş təklifi
110,958.00 AZN təşkil edib. Dağlıq Şirvan, Quba -Xaçmaz və
Şəki-Zaqatala iqtisadi rayonunda məktəbəqədər təhsil
müəssisələrinin tərbiyəçiləri üçün yeni məktəbəqədər təhsil
kurikulumu üzrə təlimin aparılması üçün keçirilmiş tenderdə
də Azərbaycan universiteti MMC qalib gəlib. Məsləhətçinin
qiymətləndirilmiş təklifi 82,632.00 AZN-dir. Gəncə-Qazax və
Yuxarı Qarabağ iqtisadi rayonunda məktəbəqədər təhsil
müəssisələrinin tərbiyəçiləri üçün yeni məktəbəqədər təhsil
kurikulumu üzrə təlimi də Azərbaycan universiteti MMC aparacaq. Bu
təlimin aparılması üzrə qiymətləndirilmiş 118,510.50 AZN-dir.
Aran və Lənkaran iqtisadi rayonunda məktəbəqədər təhsil
müəssisələrinin tərbiyəçiləri üçün yeni məktəbəqədər təhsil
kurikulumu üzrə təlimin aparılmasına təklif təqdim etmiş üç
müəssisənin arasından yenə Azərbaycan universiteti MMC seçilib.Onun
155,292.00 qiymətləndirilmiş təklifi bu tenderdə də qalib olub.
Qeyd edək ki, məktəbəqədər təhsil müəssisələrində kurikulum üzrə
təlimlərin keçirilməsi üzrə keçirilən tenderlərdə "Mədəd
Azərbaycan" MMC, "İdrak" məktəb-liseyi, "Smart SN Corporation" MMC,
TGC MMC şirkətləri də iştirak edib. Amma təlimlərin keçirilməsi
üçün məsləhətçi xidmətlərinin satınalınmasına dair keçirilmiş
tenderdə Azərbaycan universiteti MMC qalib
olub.