Movqe.Az xəbər verir ki, Blackberry istifadəçiləri arasında mesajlaşmanı təmin edən Blackbery Messenger (BBM) nəhayət Android və iOS əməliyyat sistemlərinə də gəlib. Dünən axşam istifadəyə verilən BBM-in 8 saat ərzində təxminən 5 milyon insan tərəfindən endirildiyi açıqlanıb. Bununla yanaşı tətbiqi dərhal endirə bilməyərək, sırada gözləyənlə də var. Android və iOS istifadəçiləri tərəfindən uzun zamandır gözlənilən tətbiq ötən ay da istifadəyə təqdim edilmiş lakin texniki çatışmazlıqlar səbəbiylə bir neçə saat ərzində geri çəkilmişdi.