Ermənistanda rus əsgərlərini qarət ediblər
23 Oktyabr 2013 23:02 (UTC+04:00)
Dünən günorta Ermənistanın Gümri şəhərində dislokasiya olunmuş
Rusiya hərbi bazasının iki əsgərini qarət ediblər. ANS PRESS erməni
mətbuatına istinadən bildirir ki, Nikita və Pavel adlı 19 yaşlı
əsgərlər bununla bağlı polisə müraciət ediblər.
Onların dediyinə görə, şəhər mərkəzində taksiyə minərək Bulvar
məhəlləsinə getmək istəyiblər. Taksi sürücüsü onları lazımi ünvana
deyil, adamsız bir yerə aparıb. Orada onlara üç nəfər kişi
yaxınlaşıb və onlardan biri bıçaqla əsgərləri təhdid edərək onların
hər birindən 10 min rubl (320 dollar) pul alıb. Üstəlik əsgərlərin
hər birinin qiyməti 83 min dram (200 dollar) və 80 min dram (195
dollar) olan mobil telefonlarını da alıblar.
Polisin apardığı əməliyyat nəticəsində cinayətin Andranik, David,
Robert və Conik adlı ermənilər tərəfindən törədildiyi məlum olub.
Andranik və Conik tutulub, qalan iki nəfər axtarılır.