Ağdaş rayonunda azyaşlı qız bədbəxt hadisə nəticəsində ölüb.
Movqe.az-ın APA-ya istinadən verdiyi məlumatına görə hadisə bu gün səhər saatlarında rayonun Ərəb kəndində qeydə alınıb.
Kənd sakini, 2010-cu il təvəllüdlü İsgəndərova Mənzurə Sübhi qızı həyətdəki su quyusunun yanında oynayanda ayağı sürüşərək quyuya düşüb.
Valideynləri hadisədən gec xəbər tutub, uşaq boğularaq ölüb.
Faktla bağlı Ağdaş rayon Prokurorluğu tərəfindən araşdırma aparılır.