Azərbaycanda qadın sürücü piyadanı maşının altında qoydu

31 Oktyabr 2013 14:04 (UTC+04:00)

Milli.Az EL TV-yə istinadən xəbər verir ki, Mingəçevir şəhərində qadın  ölümlə nəticələnən avtomobil qəzası törədib. Hadisə şəhərin 20 Yanvar küçəsində, 33 saylı yaşayış binasının yaxınlığında baş verib. Sürücü Tamella Məmməd qızı Adıgözəlova idarə etdiyi "Hyundai Accent" markalı avtomobillə yoldan keçən piyada, 1954-cü il təvəllüdlü Nailə Mehralı qızı Seyidovanı vurub. 


Şəhər Mərkəzi Xəstəxanasına yerləşdirilən Nailə Seyidova orada dünyasını dəyişib. Faktla bağlı Mingəçevir Şəhər Polis Şöbəsində cinayət işi açılıb, araşdırma aparılır.