Movqe.Az "Euronews"a istinadən bildirir ki,
Əfqanıstanda qızların məktəbə getməsinə qarşı olan Taliban 120-dən
çox qız şagirdləri zəhərləyərək xəstəxanalıq edib.
Ölkənin şimalındakı Takhar vilayətində yerləşən məktəblərdə
siniflərin içinə qoyulan qaz maddələrindən təsirlənən qız
şagirdlərin çoxu şüurunu itirib.
Xəstəxanaya qaldırılan şagirdlər hadisənin necə baş verdiyini
danışıblar:
"Şagirdlərdən birinin şüurunu itirdiyini gördüm. Pis vəziyyətdə
idi. Bizə su içməmək söylənildi, amma biz onsuz da su içmişdik və
bir müddət sonra xəstələndik."
Daha əvvəl də ölkənin şimalındakı Kunduz əyalətində 150 qız şagird
məktəbdə içdikləri sudan zəhərlənib. Qızların təhsil almalarına
qarşı olan Taliban xüsusilə təsirli olduğu ölkənin şimal
bölgələrində tez-tez məktəblərə hücum edir.
Əfqanıstan Təhsil Naziri ölkədə 11 ayrı vilayətdə cəmi 550 məktəbdə
belə hadisələrin baş verməsi səbəbi ilə məktəblərin bağlanıldığını
bildirib.