Moskvada Azərbaycan vətəndaşı öldürülüb

12 Noyabr 2013 10:24 (UTC+04:00)

Moskva şəhərinin qərb hissəsində Azərbaycan vətəndaşının meyiti tapılıb.


Apa-nın "RİA Novosti"yə istinadən verdiyi xəbərə görə, noyabrın 12-nə keçən gecə polisə Bryanskaya küçəsi, ev 3 ünvanında bir nəfərin bıçaq zərbəsi ilə yaralandığı haqda məlumat daxil olub. Hadisə yerinə gedən hüquq-mühafizə orqanlarının əməkdaşları üzərində çoxsaylı xəsarətlər olan kişi meyiti aşkarlayıblar. İlkin araşdırma nəticəsində müəyyən edilib ki, öldürülən şəxs 1971-ci il təvəllüdlü Azərbaycan vətəndaşıdır.   

 

Fakt üzrə cinayət işi qaldırılıb.