Bakıda dəhşət! Oğul atasının gözlərini çıxardı

14 Noyabr 2013 11:35 (UTC+04:00)

Zərərçəkən İmran Hüseynov xəstəxanının reanimasiya şöbəsinə yerləşdirilib

Bakının Nəsimi rayonunda tükürpədici hadisə baş verib. Oğul yaşlı atasının gözlərini çıxardaraq onu həyat işığından məhrum edib. 


Anspress-in məlumatına görə, hadisə rayonun Hüseynbala Əliyev küçəsi 5, mənzil 97 üvanında baş verib. Hadisəyə səbəb tərəflər arasında yaranan mübahisə olub. 44 yaşlı İlqar Hüseynov mübahisə zəmnində 68 yaşlı atası İmran Hüseynovun gözünü çıxarıb. Yaşlı kişi dərhal Zərifə Əliyeva adına göz xəstəxanasına çatdırılıb.


Məlumata görə, Hüseynovlar ailəsi hadisə ilə bağlı şikayətçi olmadığından faktı polislərdən gizlətməyə çalışıblar. Bundan xəbər tutan Nəsimi rayon Polis İdarəsinin 19-cu polis bölməsinin əməkdaşları hadisə yerinə gəliblər. Ailə üzvləri yaşlı kişinin ehtiyatsızlıq səbəbindən özü-özünə xəsarət yetirdiyini bildirsələr də, polisləri buna inandırmaq mümkün olmayıb.


Zərərçəkən İmran Hüseynov isə xəstəxanının reanimasiya şöbəsində olduğundan polislər, hələ ki, onun ifadəsini ala bilməyiblər.


Faktla bağlı Nəsimi rayon Polis İdarəsində başlanan araşdırmalar davam etdirilir. Araşdırmalardan sonra isə atasının gözlərinə əl uzatdığı iddia edilən İlqar Hüseynovun etdiyi əmələ hüquqi qiymət veriləcək.


Nəsimi rayon Polis İdarəsindən verilən məlumata görə isə hadisəni törətməkdə şübhəli bilinən İlqar Hüseynov narkotik maddə aludəçisidir və onun atası ilə məhz bu səbəbdən mübahisə etdiyi ehtimal olunur.