Səhiyyə Nazirliyi üç məhsulun yoxlamasına başladı

15 Noyabr 2013 12:41 (UTC+04:00)

Səhiyyə Nazirliyinin Respublika Gigiyena və Epidemiologiya Mərkəzi (RGEM) süni uşaq qidalarının, spirtli içkilərin və xörək duzunun labarator müayinələrinə başlayıb. RGEM-in Qidalanma bölməsinin rəhbəri İmran Abdullayevin Movqe.az-a verdiyi xəbərə görə, hər üç məhsulun fiziki, kimyəvi, bakterioloji, oqroneleptik göstəriciləri yoxlanılacaq: "Artıq monitorinqlərə start vermişik. Satışdan və istehsal müəssisələrindən nümunələr götürülərək labaratoriyaya gətirilir. Noyabr ayının sonunda yoxlamaların nəticəsi açıqlanacaq".