Büdcəyə 5,8 milyard manat daxil olub
15 Noyabr 2013 17:30 (UTC+04:00)
Son on ayda Vergilər Nazirliyinin xətti ilə
büdcəyə 5 milyard 768 milyon 165,6 min manat vəsait daxil olub.
Vergilər Nazirliyinin məlumata görə, bu məbləğin 39,3 faizi mənfəət
vergisinin, 24 faizi əlavə dəyər vergisinin, 11,7 faizi fiziki
şəxslərin gəlir vergisinin, 7,4 faizi aksizlərin, 17,6 faizi isə
digər vergilərin payına düşür.
Qeyri-neft-qaz sektoru üzrə büdcəyə 3 milyard 88
milyon 887,6 min manat vəsait daxil olub.
Yanvar-oktyabr aylarında respublika üzrə 59 min
837 vergi ödəyicisi, o cümlədən elektron qaydada 29 min 777 (49,8
faiz) vergi ödəyicisi qeydiyyata alınıb. 1 noyabr 2013-cü il tarixə
qeydiyyatda olan vergi ödəyicilərinin ümumi sayı 529 min 313 təşkil
edir ki, bu da 1 noyabr 2012-ci il tarixə qeydiyyatda olan vergi
ödəyicilərinin sayından 12,1 faiz çoxdur.
2013-cü ilin yanvar-oktyabr ayları ərzində
respublika üzrə elektron formada göndərilmiş bəyannamələrin xüsusi
çəkisi 90,4 faiz təşkil edib.