Elza Seyidcahan Türkiyə şou-biznesinə qatılacaq
15 Noyabr 2013 17:30 (UTC+04:00)
Əməkdar artist Elza Seyidcahan Türkiyə
şou-biznesinə qatılmaq qərarına gəlib.
Axşam.az-ın məlumatına görə, bu haqda müğənni
müxbirimizlə söhbətində deyib. O, təklifin Türkiyənin məşhur
telekanalından gəldiyini bildirib:
"Bilirsiniz ki, "Türkiyə" adlı marş yazmışam. Bu
mahnı onlar tərəfindən çox bəyənilib. Tanınmış
bir
telekanalın rəhbərliyi məni Türkiyəyə dəvət edib.
Orada həmin bəstəmə klip çəkəcəklər. Bütün xərclər, orada qalmaq,
geyimlərim - hamısı onlar tərəfindən təşkil ediləcək. Bu işlə mən
həm Azərbaycan şou-biznesində, həm də Türkiyənin şou-biznesində və
sənət dünyasında olacam.
Hazırda ssenari yazılır. Klip qardaş ölkənin qədim
yerlərində çəkiləcək. Hər zaman ancaq yaradıcılığımla gündəmdə
qalacam. Başqaları kimi qaldığım otellərlə, geyindiyim libaslarla
öyünüb gündəmdə qalmağa çalışmıram".