Moskvanın "Sadovod" bazarında kütləvi yoxlamalar keçirilir

19 Noyabr 2013 12:51 (UTC+04:00)

Yoxlanışlar ilk növbədə qeyri leqal miqrantların işlədikləri ərazidə gedir

Rusiyanın paytaxt polisi bu gün "Sadovod" bazarında kütləvi yoxlanışa başlayıb. RİA Novosti-nin yaydığı məlumata görə, bazarlarda reydlər iyul ayının sonlarında miqrantlar tərəfindən "Matyeyevski" bazarında polis əməkdaşının döyülməsi və oktyabr ayında Biryulevada baş verən hadisədən sonra başlayıb.


Moskva polisi "Sadovod" bazarında operativ-profilaktik tədbirlər keçirir. Qanunsuz miqrasiya, silah, narkotik və saxta məhsulların qanunsuz dövriyyəsi faktları aydınlaşdırılacaq.