Birincilərin orta məktəblərdə hazırlığı ləğv olundu-Özəl
20 Noyabr 2013 14:27 (UTC+04:00)
Respublikanın ümumtəhsil müəssisələrində birinci sinfə hazırlıq
ləğv edilib. Movqe.az-ın əldə etdiyi
eksklüziv məlumata görə, 2014-2015 tədris ili üçün birinci
sinfə gedəcək məktəblilər hazırlığa cəlb edilməyəcək. Artıq
məktəblərə birincilərin hazırlığı üçün müraciət edən valideynlərə
də, bildirilib ki, hazırlıq təhsil naziri Mikayıl Cabbarovun
göstərişi ilə ləğv edilib. Movqe.az məlumatı dəqiqləşdirmək üçün
Bakı Şəhər Təhsil İdarəsi ilə əlaqə saxlayıb. İdarənin ümumi təhsil
sektorundan xəbəri təqsdiqləyiblər. Sektordan bildiriblər ki, yeni
ildən etibarən orta məktəblərdə birincilərin hazırlığı
aparılmayacaq:"Hər il yanvar ayından etibarən birincilərin orta
məktəblərdə hazırlığı aparılırdı. Nazirin göstərişinə əsasən
2014-cü ilin yanvar ayından bu qayda ləğv olunub. Ola bilər ki,
gələcəkdə birinci sinfə hazırlıq məktəblərdə pullu olsun".