Aygün Kazımova Tarkanın konsertindən yazdı: "Bu, faciədir"
24 Noyabr 2013 13:45 (UTC+04:00)
Türkiyənin meqastarı Tarkana Yeni il gecəsində Bakıda
konsert verməsi üçün 1 milyon lirə təklif edilməsi haqda xəbər
vermişdik.
Axşam.az-ın məlumatına görə, xalq artisti Aygün Kazımova İnstaqram
sosial şəbəkəsində bu xəbərə münasibət bildirib.
Müğənni azərbaycanlı milyonçuların yerli sənətçilərə yox,
xaricilərə dəstək olmasından gileylənib:
"Azərbaycanlı milyonçular və bəzi məmurlarımız Türkiyənin ən böyük
ulduzlarına maddi yardım edirlər, onları dəstəkləyirlər. Amma biz
bir layihə həyata keçirəndə evimizi satırıq. Bu, faciədir".