"İlhamə Quliyeva bizi övladı kimi bəsləyir"
29 Noyabr 2013 17:28 (UTC+04:00)
Opera ifaçısı Ülvi Qılınc xalq artisti İlhamə
Quliyeva ilə yenidən bir araya gəlib.
Bu haqda Axşam.az saytına
açıqlama verən sənətçi İ.Quliyevanı özünün mənəvi anası
adlandırıb:
"İlhamə xanımla 10 ildir ailəvi dostam. O mənim
anamdır. İlhamə xanım bizim hamımızı övladı kimi bəsləyir. Mətbuat
katibi Faiq Ələkbərli və prodüser Tolik də hörmət etdiyim
insanlardan biridir. Biz bir neçə gün xalq artistindən ayrı düşən
kimi bəzi bədxah insanlar bundan istifadə etdilər, sənətkarla
aramıza girdilər. Amma onların istəyi və arzuları ürəklərində
qaldı. Yenidən bir araya gəlməyimizdə vasitəçi Tolik oldu. O,
İlhamə xanımla bizi görüşdürdü. Paxıllığımızı çəkənlərə demək
istəyirəm ki, İlhamə xanımı bizsiz, bizi də İlhamə xanımsız
təsəvvür etməyin. Belə böyük sənətkarı və gözəl ananı itirən
ağılsız olar. Biz də ağılsız deyilik".
Ü.Qılınc xalq artisti ilə duet oxumaq istəyini də
gizlətməyib:
"Bu, İlhamə xanımdan asılıdır. Əgər razılaşsa,
tezliklə layihəni gerçəkləşdirəcəyəm".