Anar Həsənov "102" xidmətinə zəng edərək Gəncə Şəhər Baş Polis İdarəsinə və Gömrük Komitəsinə qumbara atacağını da deyib
2 Dekabr 2013 21:18 (UTC+04:00)
Gəncə Hava Limanını partladacağını, Gəncə Şəhər
Baş Polis İdarəsinə və Gömrük Komitəsinə qumbara atacağı ilə
hədələyən şəxs polis tərəfindən saxlanılıb.
Daxili İşlər Nazirliyinin mətbuat xidmətindən ANS
PRESS-ə verilən məlumata görə, noyabrın 30-da saat 19.13-də Gəncə
şəhərində yaşayan Anar Həsənov DİN-in "102" zəng Xidmətinə zəng
edərək Gəncə Hava Limanını partladacağını, dekabrın 1-də isə Gəncə
Şəhər Baş Polis İdarəsinə və Gömrük Komitəsinə qumbara atacağını
bildirib.
Müvafiq tədbirlər görülsədə, məlumat təsdiqini
tapmayıb.
Anar Həsənov adlı şəxs Kəpəz RPİ əməkdaşlarının
keçirdikləri əməliyyat-axtarış tədbirləri nəticəsində
saxlanılıb.