Ermənistanda Gömrük İttifaqına qarşı etiraz aksiyası başlayıb
2 Dekabr 2013 19:16 (UTC+04:00)
İrəvanda Ermənistanın Gömrük İttifaqına üzv
olmasına etiraz olaraq yürüş başlayıb. ANS PRESS-in
armtoday.info-ya istinadla verdiyi məlumata görə, yürüşün şimal
prospekti - Respublika meydanı-Maştosa prospekti-Baqramyan
prospekti-prezident iqamətgahı istiqamətində olması planlaşdırılıb.
Lakin polis bu istiqamətdə yolu bağladığı üçün aksiya iştirakçıları
Pespublika meydanına daxil ola bilməyiblər.
Aksiya iştirakçıları "Serjik get!", "Putin
get!","Avro Ermənistan", "Müstəqil Ermənistan","Ermənilər
birləşəcək", "Biz öz ölkəmizin sahibiyik" kimi şüarlar
səsləndirilər. Onlar həmçinin əllərində üzərində "STOP- Russia!"
yazılan Ermənistan və Ukrayna bayraqları
tutublar.
Etirazçılar polis tərəfindən mühasirəyə alınan
hökumət binasının qarşısına toplaşıblar. Onlar hakimiyyətə
ünvanladıqları məktublarını oxuyublar. Məktubda bildirilib ki,
erməni xalqı inkişaf və demokratiya imkanına olan imkanlarını
itirmək təhlükəsi ilə üz-üzə qalıb.
İrəvan polisinin rəsi müavini Valeri Osipyan
yürüşün qanunsuz olduğunu bildirib. "Siz bura mübahisə etməyə gəlmisiniz. Mən sizə
xəbərdarlıq etdim". Erməni mətbuatının məlumatına görə, polislə aksiya
iştirakçəları arasında toqquşma olub.
Qeyd edək ki, bu gün Rusiya prezidenti Vladimir
Putinin Ermənistana səfəri başlayıb.