Azərbaycanda nəqliyyat vasitələrinin müvafiq icazə
olmadan xüsusi (çoxavazlı) səs və ya sayrışan işıq siqnalları və ya
operativ nəqliyyat vasitələri üçün müəyyən edilmiş rənglənmə
sxemləri, yazılar və tanınma nişanları ilə təchiz edilməsinə,
habelə nəqliyyat vasitəsinin dövlət qeydiyyat nişanının görünüşünü
çətinləşdirən örtüklərdən və ya qurğulardan, nəqliyyat vasitəsinin
sürətini ölçməyə maneçilik törədən və ya ölçmə cihazlarının işinə
mane olan antiradar və digər texniki vasitələrdən, yaxud əhalinin
dincliyini nümayişkaranə şəkildə pozan səs siqnallarından istifadə
edilməsinə görə tətbiq olunan inzibati cəzalar 10 dəfəyədək
artırılır.
Trend xəbər verir ki, bununla bağlı Milli Məclisin çərşənbə axşamı
keçirilən iclasında İnzibati Xətalar Məcəlləsinə dəyişiklik
edilib.
Dəyişiklik barədə məlumat verən parlamentin Hüquq siyasəti və
dövlət quruculuğu komitəsinin sədri Əli Hüseynli bildirib ki,
nəqliyyat vasitələrinin müvafiq icazə olmadan xüsusi (çoxavazlı)
səs və ya sayrışan işıq siqnalları və ya operativ nəqliyyat
vasitələri üçün müəyyən edilmiş rənglənmə sxemləri, yazılar və
tanınma nişanları ilə təchiz edilməsinə, habelə nəqliyyat
vasitəsinin dövlət qeydiyyat nişanının görünüşünü çətinləşdirən
örtüklərdən və ya qurğulardan, nəqliyyat vasitəsinin sürətini
ölçməyə maneçilik törədən və ya ölçmə cihazlarının işinə mane olan
antiradar və digər texniki vasitələrdən, yaxud əhalinin dincliyini
nümayişkaranə şəkildə pozan səs siqnallarından istifadə edilməsinə
görə inzibati xətanın törədilməsində alət və ya inzibati xətanın
bilavasitə obyekti olmuş predmet müsadirə edilməklə 500 manatdan
800 manatadək cərimə tətbiq ediləcək.
İndiyə qdərə bu cəzalar 80 manatdan 100 manata qədər olub.