Gülər Əhmədovanın həyat yoldaşı apellyasiya şikayətinin vaxtını açıqladı

3 Dekabr 2013 16:07 (UTC+04:00)

Sabiq millət vəkili, hazırda həbsdə olan Gülər Əhmədova barəsində Ağır Cinayətlər Məhkəməsinin verdiyi hökmdən apellyasiya şikayəti 1 həftə ərzində veriləcək. Bu sözləri Movqe.az-a açıqlamasında Gülər Əhmədovanın həyat yoldaşı Fikrət Əhmədov deyib. F. Əhmədov məhkəmənin hökmünü əllərinə aldıqdan sonra apellyasiya şikayəti verəcəklərini bildirib: "Apelyasiya üçün şikayət ərizəsi hökmün əsasında hazırlanacaq. Ona görə də, hələ hökmün bizə verilməsini gözləyirik".

F. Əhmədov apellyasiya şikayəti zamanı G. Əhmədovanın hüquqlarının qorunması üçün başqa bir vəkil tutulmayacağını bildirib: "Vəkil Əfsər Talıbov işin materialları ilə yaxından tanışdır. Ona görə də hesab edirik ki, vəkilin dəyişdirilməsinə ehtiyac yoxdur".

Xatırladaq ki, dünən Ağır Cinayətlər Məhkəməsində Gülər Əhmədovaya hpkm oxunub. O, 3 il müddətinə azadlıqdan məhrum edilib.