Gediş haqqının artımı ilə bağlı Tarif Şurasına müraciət ediləcək-Özəl
3 Dekabr 2013 18:08 (UTC+04:00)
Sahibkarlar ictimai nəqliyyatda gediş haqqının artırılması ilə
bağlı Tarif Şurasına müraciət edəcəklər. Bu məlumatı Movqe.az-a
xətt sahibləri verib. 133 saylı xətin sahibi Etibar Manafov
Movqe.az-a bildirib ki, yanacağın hazırki qiyməti onlara sərf
etmir: "Yanacağın qiyməti bahalaşıbsa mütləq gediş haqları
artırılmalıdır. Yoxsa biz belə qiymətlə işləyə bilmərik. Hökumət
bizi də başa düşsün ki, yanacağın son qiymət artımında sonra gediş
haqqını sabit saxlamaq mümkün deyil. Ona görə də, biz sahibkarlar
Tarif Şurasına gediş haqlarının artırılması üçün müraciət
edəcəyik".
Amma xətt sahibi itimai nəqliyyatda özbaşına qiymət artımına yol
verilməyəcəyini də söyləyib: "Biz qiymətləri Tarif Şurasının
qərarından sonra artıracağıq. Bunun üçün Şuraya müraciət
edəcəyik".