Utair" avia şirkətinə məxsus olan təyyarənin havada olarkən sol mühərriki sıradan çıxıb
Rusiyanın Yekaterinburq şəhərində "Utair" avia şirkətinə məxsus olan "Bombardier CRJ – 200" sərnişin təyyarəsi saat 4.20 radələrində qəzalı eniş enib.
Anspress-in "İnterfaks" agentliyinə istinadən verdiyi xəbərə görə, Moskva-Tümen reysi ilə uçan təyyarə Yekaterinburqun Koltsovo aeroportuna enməyə məcbur olub.
Xatırladaq ki, təyyarənin göyərtəsində 5 ekipaj üzvü olmaqla, cəmi 47 sərnişin olub. Sərnişinlər arasında xəsarət alan və təcili yardıma müraciət edən olmayıb.
Təyyarənin qəzalı eniş etməsinə əsas səbəb kimi sol mühərriki sıradan çıxması göstərilir.