İranın rəsmi xəbər agentliyi İRİB (İslamic Republik of İran Broadcasting) 28 May - Azərbaycanın Respublika Günü ilə bağlı yaydığı xəbərdə Azərbaycan Xalq Cümhuriyyətinin 1918-ci ildə guya İran ərazisində qurulduğunu yazıb.
APA-nın məlumatına görə, xəbərdə bildirilib ki, Azərbaycan ərazisinin əsasən İranın tərkibində yerləşməsinə və keçmişdə Araz çayının şimalındakı İrandan qoparılmış ərazinin başqa adlarla adlandırılmasına baxmayaraq, İran yeni dövlətin adına etiraz etməyib.
İRİB-in yazdığına görə, guya Azərbaycan Respublikası saytın rüsvayçı adlandırdığı Gülüstan və Türkmənçay müqavilələri əsasında İrandan qoparılmış ərazidə qurulan dövlətdir.