Azərbaycanda provayderən yenilik
9 Dekabr 2013 11:55 (UTC+04:00)
Rabitə və İnformasiya Texnologiyaları Nazirliyi
(RİTN) növbəti elektron xidmətini "Elektron
Hökumət" portalına inteqrasiya edib. Nazirlikdən Movqe.az-a verilən
xəbərə görə, Rabitə və İnformasiya Texnologiyaları Nazirliyinin
"AzDataCom internet xidmətinə qoşulma üçün sifariş" adlı elektron
xidməti "Elektron Hökumət" (www.e-gov.az) portalına inteqrasiya
edilib. Bu xidmət vasitəsilə vətəndaş "AzDataCom" internet
xidmətinə qoşulmaq üçün sifariş verə bilər.Xidmətdən yararlanmaq
üçün istifadəçi "Elektron Hökumət" portalına giriş etdikdən sonra
RİTN-in sözügedən elektron xidmətinə daxil olmalıdır. Daha sonra
telefon nömrəsini tələb olunan xanaya yazaraq açılan səhifədə
xidmət növünü (kb/s) seçməklə "AzDataCom" internet xidmətinə
qoşulmaq üçün sifariş verə biləcək. Qeyd edək ki, sifariş qəbul
edildikdən sonra istifadəçi ilə telefon vasitəsilə əlaqə
saxlanılır.